GM、梁敏巧大聲講大聲笑　葉蒨文直認呷醋：傷心咗一秒

TVB戀愛綜藝真人騷《女神配對計劃》本周日（7月20日）晚播出的一集，將正式進入Dating Camp對戰環節，5位女神葉蒨文（Sophie）、李芷晴（Stephanie）、羅毓儀（Yuki）、關嘉敏（Carman）及梁敏巧（Maggie）會與13名求愛勇士／組員大玩扯大纜、中西餐配對，及心意配對遊戲。當中只有扯大纜及心意配對遊戲會派出鎖匙予勝出的求愛勇士。

在第一天所有遊戲環節結束後，獲得最多鎖匙的求愛勇士便可與女神同房，但由於在某些遊戲環節、13位求愛勇士有機會獲得其他女神頒贈的鎖匙，故最終勝出者能否與自己組的女神同房過夜仍是未知數。另一值得留意的地方，是Dating Camp的閨密花生團，除有雲文子師傅坐陣，還有5位女神的閨密：Sophie閨密莊子璇Hilary；Step閨密何泳芍Honey；Yuki閨密王菲；Carman閨密莊思明；Maggie閨密鄧伊婷，他們亦有權將鎖匙給予自己滿意的求愛勇士，因此整個Camping可謂充滿變數。

今集，備受網民熱捧的Sophie及曾展望（簡稱GS配）將拼發更多火花，除了眉目傳情、隔空呷醋，還有甜度爆標的深情對望。獲命運之神眷顧大玩親密遊戲的GM及Sophie，抽中要「不能眨眼的情況下對望10秒」，結果二人在不能自控地甜笑的情況下深情對望，期間Sophie忍不住篤爆GM：「你隻耳仔好紅」，GM則一臉羞澀地摸住耳仔否認：「冇呀！有咩？」可惜愈否認耳仔愈紅，連帶整個人也紅起來，獲Sophie取笑「同件衫（GM身穿粉紅背心）一樣色」。事後二人分別接受製作組訪問，對之前的甜蜜對望回味不已。

其實GM在Camping追求女神Sophie時與第一回合的「三角枱約會」同樣不是一帆風順，除了要面對在第一回合表現勇猛的林澤謙（Him）繼續窮追不捨，就連之前沒有甚麼表現的林堡熙（Eddie）也忽然發力急起直追。Eddie除在扯大纜環節，憑一件事令Sophie好感度爆標、直認欣賞之餘；在中西餐配對環節，亦因與Sophie有緣地同時選中中餐枱而獲得大量交流機會，Eddie亦抓緊時機向Sophie瘋狂獻殷勤。Eddie甫見Sophie想坐下，即主動出擊：「呢度特登留個位畀你㗎」，而Sophie則怕醜得連環扁嘴。之後Yuki示意想坐Eddie隔籬，Eddie即搞笑地說：「等等先」，並望實Sophie攞Permit：「得唔得㗎？」當得到Sophie嬌俏地回：「你決定啦」，Eddie即開心地笑著示意Yuki坐在自己旁邊：「可以可以！Sophie話可以。」Eddie事後直認與Sophie同枱吃中菜感到開心：「最尾我同Sophie嗰吓同枱，我就Yes！正！」並邊說邊做勝利手勢。

而當聽到Sophie表示口渴後， Eddie除第一時間遞手示意要水，未幾更索性跑去遠處為Sophie攞水：「我過去攞我過去攞，你坐低你坐低。」回到座位後，Eddie率先為Sophie斟水之餘，還照顧同枱的其他人，獲得Yuki及花生團一致讚好。之後Eddie還情深又認真地聆聽Sophie飲食喜好，滿滿的誠意令原本未有太留意Eddie的Sophie也為之動容：「我覺得佢對眼好似淨係得我一個咁，冇理其他人，好似好想了解我，我覺得都幾有誠意。」

雖然Eddie真心兼火力全開，可惜Sophie視線卻數度忍不住落在隔籬枱的GM身上，當發現GM與Maggie大聲講大聲笑時，Sophie更直認呷醋：「嗰吓唔知點解傷心咗一秒。」Sophie今集還自揭一個驚人秘密，原來她已有足足6年沒有去過旅行，理由更與前度有關：「我同我EX一齊咗6年半，我係一路想佢帶我去日本，但就係一路等咗好多年都冇實現到……咁啱嗰陣疫情佢有啲困難，或者生意上佢心情各樣嘢都唔係好好，咁我就一路陪住佢啦。」