郭奕芯超性感水著相被網民串假胸　本尊發火：睇過一套戲以為自己摸過

郭奕芯（Ashina）日前在社交平台大派「福利」，分享一輯超性感極噴血的泳衣照，展示驕人身材，惹來不少網民羨慕又妒忌，更有人在網上開post討論她是否假胸，引來本尊留言反擊，爆seed狂鬧網民：「睇過一套戲以為自己摸過揸過一樣，呢啲人去羅湖城買名牌就啱㗎啦。」

郭奕芯日前分享一輯泳衣相，她穿上一套極度火辣的超幼帶綁頸三點式，胸前「少布」的設計，視覺效果極之震撼。不過，有網民出post質疑：「其實波大係咪一定冇腦？相信都係，10年前《同班同學》，佢已經除晒俾人睇！根本就冇乜波，而家仲攞出嚟獻世！以為人哋唔記得。」

郭奕芯看到留言反擊：「本身呢啲留言睇完都算，但見到好似你啲咁自以為是嘅人，真係忍唔住笑，見你咁想搵存在感咪覆吓你。」其後，她又在IG限時動態寫道：「而家啲人妒忌心真係重，真奶假奶都唔識分，就走嚟扮晒嘢。」又說：「再唔係走去問吓我以前啲男朋友，女仔朋友都得，我咁肯定唔會有任何一個真正認識我嘅朋友話我係假。」最後再嬲爆指：「睇過一套戲以為自己摸過揸過一樣，呢啲人去羅湖城買名牌就啱㗎啦。」