真炭火燒！旺角流心玉子燒鰻魚飯｜鰻一炭燒鰻魚飯

講到最早期嘅預製菜，鰻魚一定係其中一大名菜，因為包裝鰻魚實在太先進太方便，未到已經全熟上埋汁，咁多年黎基本上9成都係預製。難得呢到自己上汁現燒，連魚骨都上埋枱，估唔到幾十蚊都食到。

可能佢地驚大家唔知係現場炭燒，特登整塊透明大玻璃，一入去就見到廚房大大個炭爐，真係係現場炭燒。如果法例容許嘅話，好似以前戲院賣燒魷魚咁，係鋪頭門口燒仲正，個個經過聞到都肚餓。

-
🍱招牌炭火蒲燒鰻魚飯 ($73)
🍱炭火白燒鰻魚飯 ($73)
1️⃣真炭火燒嘅鰻魚，分為蒲燒同白燒，我就鍾意蒲燒多啲，燒前塗上秘製鰻魚汁，再放上炭爐燒，燒到微微燶邊焦香，鰻魚又夠肥美，片中呢個size先73蚊，都已經好足料。

2️⃣佢地真係做足細節位，飯上有啲自家製炸脆鰻魚骨，同時又跟埋瑤柱漬同泡菜解膩，追加味噌湯仲有海鮮係入邊，而且值得一讚啲飯都係用靚日本米。

🥩和牛肉流心玉子燒飯 ($79)
出邊真係未見過呢種玉子燒，都係佢地自家製，內裡包住蛋黃，超流心爆漿又嫩滑，和牛丼肉量都超多，煮到入哂味送飯一流。

🥓醬燒牛舌 ($22)
🥓明太子醬翠玉瓜 ($22)
🥓紫蘇雞肉丸串 ($16)
既然咁大個炭爐係到，佢地都有順便賣埋串燒，都係真炭火燒，都燒得唔錯，食個丼再嗌返串都真係超飽。

-
鰻一炭燒鰻魚飯 @unagi_ichi
🗺️旺角山東街84號地舖

▼Follow foodiegogoooo
Instagram: https://www.instagram.com/foodiegogoooo/