Peter Pan變大個！關智斌望啟德騷獨自升級舞台表演者

自從參加過內地綜藝節目後，關智斌對舞台演出有全新認知，將於下月舉行的個唱中呈現出來，永遠長不大的彼得潘（Peter Pan），原來不知不覺間經已成長。寄望這次演唱會能感染觀眾，望可以自豪地介紹自己是一位舞台表演者。

關智斌（Kenny）將於9月26、27日一連兩日在啟德體藝館舉行名為《Endless Adventure Live In Hong Kong》演唱會，8月18日門票公開發售，個唱策劃由新歌《永遠的彼得潘》開始，很多人都覺得Kenny像小飛俠，因為他有不老童顏，性格好𡃁仔，他也有反思及懷疑過：「公司其他藝人好似霆鋒都變得成熟，我係咪有問題呢？（學霆鋒有個成熟伴侶？）我自由自在好啲，好似彼得潘，每個人都唔同，呢個生活方式幾啱我，就用呢個心態放喺歌入面。」

成年人生活上的妥協，漸漸會忘記小時候的宏大夢想和志願，愈大愈感到驚慌，希望這首歌帶出要勇敢做自己的訊息，Kenny坦言沒有甚麼會驚，現在最驚是時間不夠，因為演唱會參與度很高，由設計概念、編排、服裝、請嘉賓、連燈光道具都會給意見，又邀請了多位專業人士合作，包括音樂總監Johnny Yim、舞台劇藝人湯駿業、著名服裝設計師Kenneth Chan設計其中一套服裝，及請來ERROR成員肥仔排舞，班底相當專業。Kenny說：「呢幾年舞台認知多咗，以前演出只係簡單企定定唱，參與《披荊斬棘的哥哥3》後，試過兩個星期就要表演一個新舞台，學吹色士風、跳現代舞、吊威也唱歌，原來咁多花臣。」因而造就他構思開騷，親自寫報告提交公司建議，誠意十足。現時他跟6位老師上堂，分別學舞台劇、唱歌、跳舞和樂器，另外兩項技能未曾向人披露過，希望在舞台上呈現驚喜，除了學費不菲，他又豪花6位數買私家咪及5位數耳機，講笑歌酬經已耗盡。

回顧2019年因受張致恒負面新聞拖累，Kenny獲全城集氣，40日內成功登紅館開處男個唱圓夢，他表示當時驚偟失措，現在覺得經歷令人成長不少，如果想多謝一人，他最想多謝是自己，他說：「咁都頂得住，幾叻！直情每日乜都唔諗，人生最專注嘅40日，咁樣就捱過，成果幾滿意。」他續說：「但今次仲驚啲，因為處理嘢好多，但好享受，第一次覺得自己是Artist，（你係偶像呀？）我仲係偶像？我係老偶像，今次係老偶總監，希望做完呢個騷可以自豪同人講我係Artist。」

當年紅館騷有張敬軒、容祖兒、Twins和古巨基「群星拱照」他做嘉賓，今次啟德騷嘉賓方面保持神秘感，嘉賓並非單一唱歌還會有表演。Kenny早前參加健身賽事HYROX練到一身健碩身材，明言男歌手騷肌是標準配置，自己會大方展示：「想睇嘅都有，有一部分覺得幾好睇，不單止有冇着衫，係感覺幾性感。」幸好健身賽事時已開始練跑步練氣，現在未有時間再操肌也不擔心。

髮型:Steve Chan@ArtifyLab

化妝:Elaw Wong

東網網站 : https://on.cc/東網Facebook專頁 : https://www.facebook.com/onccnews/