銅鑼灣超高層夜景　200蚊個麻辣雞煲｜隨變火鍋

話說見到片中第3秒果張枱，我以為去咗海洋公園玩跳樓機，其實高層夜景唔一定西餐先有，但都唔好以為呢到好貴，折埋200蚊個雞煲有找，分分鐘抵過街邊大排檔添。

其實呢間已經十幾年歷史，最出名就係66種香料做一個雞煲，乾鍋、串燒、活海鮮刺身都有，最估唔到係會咁靚景，落地玻璃望到夜景，日頭應該仲開揚抵食。

-
🦪隨變花甲 (折後$86)
發現呢到除咗打邊爐，其實中菜根底都非常唔錯，呢道花甲手工菜，拆殼鋪到非常靚，隻隻鮮嫩靚仔，而且蒜辣惹味，連汁都想啜埋。

🥘乾鍋醬汁蠔鍋+火鍋湯底 (折後$289)
即叫即炒嘅乾鍋，嚴格黎講唔止係打邊爐，而係一道出色嘅菜式，巨型生蠔做到脆身，內裡保持嫩滑肉汁，少啲功架都唔得，而乾鍋上當然鑊氣十足。

🥘隨變麻辣湯雞煲 (折後$192)
🥘金華火腿瑤柱冬瓜煲 (折後$165)
雞煲除咗乾鍋仲有湯鍋，見到有句slogan，話66種香料做一個雞煲，我就冇深入問係咪呢款，但的確見到唔少香料，麻辣同香氣層次超豐富，打埋邊爐超正。

🔸火鍋料
🥩封門柳+象拔蚌刺身 (折後$473)
🥢招牌手打蟹籽墨魚滑 (折後$77)
🥢不可錯過手工雲吞王 (折後$95)
🥢台灣Q彈鴨血 (折後$60)
當然一場黎到唔會剩係食個煲，但啲料都係抵食，平時出邊食象拔蚌刺身成千蚊都有，呢到先幾百蚊，仲連埋碟靚牛上。

-
隨變火鍋
🗺️銅鑼灣登龍街18號V Point 23樓
🌐訂座網站：https://tinyurl.com/puj2kwkx
❇️留意要呢到訂位先有88折，窗邊位會好景啲，想要嘅話可能要講定，另外有得包房。