HK Express全新標誌、空服 男神魏浚笙撐場

講起HK Express的革新，最明顯就係Logo上的改變，較過往更簡潔易明，睇上去就好似英文細階”e”！據HK Express行政總裁吳潔文分享，係取用了HK Express名入面的”e”為靈感，象徵著由HK Express開啟的「旅程」，由品牌標誌性紫色開始，並以一抹獨特的藍色結束，加上順滑的線條設計，喻意旅程更順暢、新鮮感不斷的意思。個人都幾愛呢款設計，睇上去好Young、好活動，貼近年輕人市場！

全新機艙服務員制服 限定格紋小熊公仔

至於機艙服務員制服，今次HK Express都搵了香港著名時裝設計師Mountain Yam設計，糅合了多元化、可持續及品牌活力元素。機艙服務員可根據自己的個性進行配搭，如女性機艙服務員可揀褲款著、運動鞋取代傳統的皮鞋，好方便佢地工作！此外，新制服於製造過程中也加入了舊制服的回收物料，而剩餘的布碎更被製成Cute Cute的小熊公仔，賦予舊制服新的生命。