日本好去處：【日本角落生物期間限定Cafe！朱古力祭主題！超可愛主題美食！仲有限定精品！】

日本好去處｜日本角落生物期間限定Cafe

角落生物粉絲注意！日本全新期間限定Cafe登場，今次主題係「朱古力祭」，有大量超可愛嘅 朱古力主題美食，仲有一系列精美周邊，保證影相打卡、食飯都充滿驚喜！提前預約嘅客人，仲有限定禮品，即睇詳情！

▲ 芝士山焗烤飯：呢座「芝士山」其實係薯蓉偽裝成朱古力，再淋上粉嫩芝士醬，睇見已經超治癒！色彩夢幻，賣相100分，影完相都捨不得食！

▲ 麵包店長濃湯套餐： 麵包店長親自推薦嘅粉紅色濃湯，搭配外脆內軟嘅法國麵包，簡直係視覺＋味覺雙重享受！飲落帶淡淡奶香，超有冬日幸福感！

▲ 角落咖啡館蛋糕套餐：雙層巧克力蛋糕配迷你肉丸義大利麵，甜點＋主食一次滿足！仲可以揀咖啡、紅茶、可樂、橙汁汽水或薑汁汽水，CP值爆高，適合打卡慢慢Chill住食！

▲ 豆豆店長特製水果塔：超精緻嘅朱古力水果塔，仲可以揀北極熊、企鵝、炸豬排、貓咪、蜥蜴或豆豆店長造型，每款都超可愛，根本唔捨得食！

▲ 凍朱古力牛奶：角落咖啡館限定特調，面層仲有你最愛角色嘅杯蓋，打卡必備！每一口都係濃濃嘅朱古力香，暖心又治癒！

▲ 朱古力祭主題周邊：角落生物換上可愛嘅朱古力造型，手上仲拎住唔同風味嘅朱古力！周邊包括壓克力吊飾、馬克杯、貼紙等，全部都萌到極致，今次真係買完唔會後悔！

▲ 只要提前預約（預約費715日圓/人），就會送你「香氛明信片」乙張（三款隨機），粉絲一定要收藏！

角落生物期間限定Cafe

【東京】
日期：即日起至3月9日
地點： BOX cafe&space 松本清 池袋Part2店
地址： 東京都豐島區東池袋1-22-8 松本清 池袋Part2店 4F

【名古屋】
日期： 即日起至2月24日
地點： BOX cafe&space 名古屋LACHIC 2號店
地址： 愛知縣名古屋市中區栄3-6-1 LACHIC地下1F

文字：香港人遊香港