陳卓賢新歌《以孤獨命名》　回歸悲情題材唱出虐心關係

Ian喺今年推出兩首輕快甜蜜作後，再次回歸悲情題材，虐心地唱出關係走到盡頭之傷感，淒美動人。

「開始塌下來 約會那個飯店 偶遇那個月台 通通拆下來 拆下了忍耐 拆下了等待」

當一段愛情開始消逝，大家看似如往日般相近，但其實內心已漸行漸遠，無力再重建彼此關係。只能繼續用尚餘一點愛，虛偽地飾演深愛對方嘅角色，等待著各自耐性用盡，筋竭力疲嘅一日，慢慢走向分離。

愛情有時同劇集無異，令人意想不到，甚至有點荒謬。即使曾經愛得死去活來，多麼美好甜蜜，感情亦會忽然變淡，無法預測。當中情意是真是假更難以考證，戲劇性地開始與落幕。

「看著那假得很真的我跟你 似是套幾千分鐘的搞笑戲」

同深愛過嘅人分離，重新適應只有自己嘅生活，要捱過實在唔容易。愛情就係如此殘酷，擁有時因為種種原因而無法享受，失去時彷彿喪失人生支柱。兩者同樣要面對沉重嘅孤獨感，無奈但無可避免。

「空空的 車廂中 等不到某段愛 該怎演 該怎寫 大量劇評轉載 何苦將心挖開」

不過，雖然那份情已不復存在，但當重遊並肩走過嘅地方，重溫舊時滿臉笑容嘅照片，往日快樂片段難免會浮現，情緒不自覺湧出，對當初幸福之我倆有一絲掛念。個份孤寂同痛心係難以言喻，只能自己一個承受，忍痛去經歷，祈求下次有更完滿結局。

「這段人生 以孤獨命名 以糊塗處理 我知我有日要放棄」

《以孤獨命名》編曲簡單，一把結他配上陳卓賢溫柔嘅聲線，就好似喺你耳邊訴說故事，真摯地將歌中孤獨唱入內心。配上MV陰暗色調以及男女主角憂傷嘅表情，聽完的確有點傷感，但又不自覺地想聽多幾次，Ian嘅虐心情歌就係有依種魔力。建議大家同《仍在》一齊欣賞，可以完全沉浸喺歌曲氛圍中，加倍揪心。

「不可以嗎 企在台前面 虛構我共你 怕自己 醒來時 會死」

期待已久嘅個人演唱會舉行在即，今次Ian更兼任音樂總監，相信會為樂迷帶嚟一趟美妙嘅音樂之旅。好想喺現場聽到佢所有個人作，特別係比較少表演嘅《二期大樓》同《背伴》！

陳卓賢，亞博見💙

《以孤獨命名》Ian陳卓賢
曲：Ian 陳卓賢
詞：陳詠謙
編：黃兆銘
監：陳考威

「看著那假得很真的我跟你
似是套幾千分鐘的搞笑戲
完場後 道具白馬 紙板教堂 讓路別佔地
拆掉了不管它本身美不美
我沒有再搭過佈景的心機
偏偏觀眾散 於身邊擦過 是你」

▼Follow hkpopculturelover
Instagram: https://www.instagram.com/hkpopculturelover/