卻奧斯：感覺到自己可以踢多兩至三年 但我唔覺一定要踢落去
💬前皇馬中埸卻奧斯最近接受訪問講到自己退役嘅決定：
1️⃣退役嘅決定
「我用咗幾個月考慮呢件事，唔係某一日朝早起身突然同自己講”你要退役啦”，我真係諗咗好耐。其實我前一年就已經考慮退役，但後來皇馬好想我留低，我先至決定再續約一年。我希望以咁樣形式退役，而我今次做到啦😉。」
2️⃣點解唔選擇跌watt先至退役？
「我覺得幾難再搵到我係皇馬最後一季，因為我嗰陣贏咗西甲同歐聯冠軍，而我希望以最好狀態退役，咁樣就可以帶住美妙感覺離開，再加埋呢個係我自己作出嘅決定，而唔係等其他人將我放喺後備席，我唔想有人話我唔再好似以前咁好，我寧願自己作出決定，避免受到其他人干擾😎。」
3️⃣你係前一季踢得好好，應該可以再踢多兩至三年？
「我覺得無可能踢到40歲，我哋一定要係身體要你停低之前作出決定。」
4️⃣退役呢個決定係咪好困難？
「當然唔容易，因為我放棄由細個開始做嘅事，我由6歲開始踢波，我生活入面所有野都同足球有關，就好似幾時食飯、幾點起身，幾多時間陪屋企人，呢個係一個徹底改變。就算我再遲兩至三年退役，都會經歷一樣改變，但我嘅諗法就係希望最好狀態結束。無錯，我感覺到自己仲可以踢多兩至三年，但我唔覺一定要踢落去🙃。」
▼Follow足球仁
Instagram: https://www.instagram.com/football_yern/