吳業坤王敏奕CP入屋　自度甜蜜細節重現「眼鏡起霧」

TVB台慶劇《新聞女王²》除了佘詩曼、黃宗澤、李施嬅搶鏡外，劇中飾演家明PM的吳業坤和飾演劉艷的王敏奕的「明艷CP」獲讚在公在私都是好拍檔。其實早於首周，坤哥向敏奕施展「摸面殺」已冧爆不少網民，隨著「明艷CP」甜蜜事件愈積愈多，網民的含糖量亦與日俱增。

為了令「明艷CP」更貼地更有說服力，坤哥透露與敏奕有構思不少情侶甜蜜小細節：「我哋主要會傾吓、睇吓會唔會可以滲到啲情侶嘅感覺出嚟、但又唔會好突兀。譬如話會唔會大家飲埋同一支水？開會時黐埋少少，冇咗個邊界感，希望觀眾可以睇到呢啲設計啦。」

昨晚（11月24日）播出的一集，「明艷CP」有3場互動均非常甜蜜。第一場，劉艷因將獨家料拱手讓給SNK遭Man姐（佘詩曼飾）鬧爆，眼見劉艷被鬧到眼濕濕兼冇晒心機，一旁的PM忍不住「心痛扁嘴」，一切無聲勝有聲。第二場，當工作中的PM掙扎應否參與罷工行動時，作為「公開平台」始創人的劉艷不但全力支持：「我 覺得你想做就應該去做，最重要係對自己有交代」，還幫PM「代攝影」以實際行動支持，令PM感動得將劉艷一擁入懷。第三場，PM在記招上感動至眼濕濕，此時劉艷笑說：「一陣眼鏡起霧又畀人笑」，巧妙地重現吳業坤經典「眼鏡起霧」事件。

王敏奕又踢爆坤哥是《新聞女王²》中的「口水肩專用戶」：「因為佢成日食嘢嗰陣，將服裝組特別為佢預備嘅衫整污糟，所以劇組就特登幫佢準備咗呢個BB嘅口水肩，我哋冇一個有咁嘅需要。」坤哥聞言搞笑回應：「我可以用到60歲！」。