陳展鵬愛女「小豬比」幼稚園畢業　單文柔感性發言

視帝陳展鵬與老婆單文柔（Phoebe）婚後誕下愛女「小豬比」，一家3口幸福滿瀉。近日適逢「小豬比」幼稚園畢業，Phoebe在社交平台晒出一家人合照，並感性發言：「畢業啦！我們的寶貝大個女喇！I’m so proud of you最後一次喺幼稚園接你放學，望住你喺課室嘅身影，突然時光倒流：記得第一次番幼稚園時候，你仲會攬住我喊，唔想入去班房，之後接放學，你永遠係『最尾一個走』——因為要同晒每位老師傾完計先捨得離開！真係估唔到，一瞬間，就著住畢業袍喺台上揮手，同K3講再見。」

Phoebe又感激當年陳敏之分享這間幼稚園，令小豬比擁有了3年開心又溫暖的童年回憶；感激幼稚園校監帶領學校，令小朋友學習：「Learning has to be fun。」令到小豬比日日笑住學、學到不願走；感激校長、副校長、主任及老師，用無盡的愛心同笑容，為小豬比砌出一個「安全又快樂嘅小宇宙」！最後她更不忘感慨道：「3年嘅笑聲同被愛嘅記憶，早已就變成佢心入面嘅星光，繼續照亮佢以後嘅道路，感激令到Quinta有一個充滿愛而快樂的童年。」

東網網站 : https://on.cc/東網Facebook專頁 : https://www.facebook.com/onccnews/