韓國好去處：【哥哥張國榮主題Cafe！20年粉絲開設！超多唱片+電影海報+收藏品】

韓國必去｜哥哥張國榮主題Cafe

香港樂壇巨星張國榮影響力橫掃亞洲，時至今日仍然有無數粉絲愛戴！如果你都係哥哥Fans，去韓國旅行記得要排定時間去「Cafe Leslie」飲杯咖啡，感受哥哥嘅魅力！呢間咖啡店由一位鍾意咗哥哥超過20年嘅忠實粉絲開設，喺店內可以邊嘆住香濃嘅咖啡，邊欣賞哥哥嘅音樂同經典電影作品，感受哥哥留低嘅藝術光芒。店主仲擺放咗好多哥哥嘅珍藏品，每一件都充滿住回憶同故事。如果你計劃去韓國旅行，又係哥哥嘅忠實粉絲，就一定要去朝聖喇！

▲ 這間位於韓國嘅「Cafe Leslie」，係由一位鍾意咗哥哥超過20年嘅粉絲開設，店內擺滿咗哥哥生前嘅音樂、電影作品，仲有好多珍貴收藏，讓影迷們可以邊嘆咖啡邊回味巨星風采。

▲ 店主唔單止將哥哥嘅唱片、電影海報、收藏品展示出嚟，仲會定期舉行展覽，讓Fans一同分享昔日回憶。

▲ 作為一間哥哥主題Cafe，當然少不了打卡位！無論係CD唱片牆、海報展示區，定係哥哥經典造型擺設，每一個角落都充滿濃濃情懷，讓你瞬間進入哥哥嘅世界。

▲ 「Cafe Leslie」已經開業接近6年，一直深受當地同海外影迷歡迎。想去朝聖嘅話，記得提前計劃好行程，約埋志同道合嘅朋友，一齊去感受哥哥帶俾世界嘅美好回憶！

Cafe Leslie

地址：114, Sindo 2-gil, Deogyang-gu, Goyang-si, Gyeonggi-do, Republic of Korea
營業時間：09:30 – 18:00

文字：香港人遊香港；圖片來源：@cafe_leslie