根據圖片報消息，如果利華古遜今晚作客輸俾雲達不萊梅，坦哈格教練職位將會出現嚴重危機

🚨根據圖片報消息，如果利華古遜今晚作客輸俾雲達不萊梅，坦哈格教練職位將會出現嚴重危機。消息指第一埸德甲輸波之後已經開始有人質疑坦哈格同教練團隊之間磨合不足。而係陣容方面，雖然域斯、費林邦、沙卡等核心球員已經離隊，但球隊高層相信昆沙、巴迪、迪爾文、艾捷維利等新加盟球員有潛力，並且相信球隊實力足夠同德甲強隊抗衡😶

💣根據踢球者消息，坦哈格因為比賽之前準備已經開始係利華古遜內部受到批評。坦哈格係琴日賽前記者會表示自己覺得下場比賽只係「測試」，並且表示自己已經係訓練入面針對有關問題，並且進行調整，但坦哈格被外界感覺無咩自信同埋疲勞，所以坦哈格今晚一定要交出唔錯表現，否則球隊內部對呢位荷蘭🇳🇱教練信任同支持將會進一步削弱🙃

🎯根據德國天空體育消息，利華古遜即將由法甲球隊摩納哥簽入翼鋒賓錫希，今次轉會費大約係3000萬歐羅再加附帶條款，雙方將會簽約去到2030年，而賓錫希將會係今日/聽日飛去德國🇩🇪。呢位摩洛哥🇲🇦翼鋒上季為摩納哥各項賽事46次上陣，當中有9個入波同4次助攻，預計將會代替已經加盟般尼茅夫嘅翼鋒阿迪利😉