Stanley邱士縉貼手臂瘀痕相惹燒傷誤會　親證沒有受傷：要鬆番啲肌肉

MIRROR成員邱士縉（Stanley）向來是隊中的「肌肉擔當」，去年演唱會中半裸上身引來「大表波」的美譽，但昨晚（12日）他再次半裸卻令人擔心，他貼出手臂「花晒」而滿佈瘀痕的相片，嚇親不少粉絲，有網民更一度以為他被火燒傷，其後他表示只是做完按摩及刮痧，澄清沒有受傷。

Stanley昨晚在IG限時動態先貼出手臂滿佈瘀痕的照片，寫道：「又搞咩啊，師兄？」其後他再貼露出半邊面及赤裸上身自拍相，寫得更詳細清楚。「Respect每一個為自己身形再好睇啲嘅人~ 今日我俾人拍痧嘅時候有一個反思，做Gym已經辛苦，Gym完又會痛，仲要做cardio，但最痛苦就係要鬆番啲肌肉，按開啲筋腱，好痛﹗刮痧好痛，拍痧好痛，所以好respect大家﹗每個人嘅目的唔同，我就只係想再突破自己嘅界限。放心放心，我冇受傷。我只係要放鬆番啲肌肉，咁先可以再好睇啲﹗」