船麵控！泰國天花板船麵登陸灣仔！招牌和牛船麵+香港限定菜式

泰國船麵界日日排長龍嘅「天花板」ThongSmith 到咗香港開首間海外分店！餐廳招牌和牛肉片船麵，湯底用南薑、八角、香茅、醃蒜頭等多款香料熬足8小時，香氣濃郁再配上澳洲和牛牛腿肉片、牛筋、金錢展同自家製牛肉丸，份量十足。想要傳統都有豬紅熬製嘅醇厚湯底、清湯、豬肉或雞肉版，辣度仲可以自選，非常貼心。另外還加入了香港限定菜式，特別加入鑊氣炒粉麵飯系列。包括大廚泰式炒飯，胡椒味夠家常，可揀雞肉或蝦肉；通思密泰式炒金邊粉用泰國東部方式炒，加埋烤辣椒膏，風味超獨特；青咖喱牛舌飯地道又夠濃郁。小食方面必試大廚可叻燒雞肉，椰子香料醃雞髀肉烤到煙燻焦香，掃上Ko Lae咖喱醬，配青瓜沙律超開胃；泰風燒牛肉拌甜魚露同烤脆米，搭糯米飯一流。最後唔好忘記甜品，清新軟糯斑爛椰子布丁、外脆內軟炸泰北香蕉乾等，大家有口福了。

▲通恩密招牌和牛肉片船麵($148)：豬紅、南薑、八角、香茅慢熬8小時香辣湯底，加入炸蒜蒜油更惹味，配澳洲和牛腿肉片、牛筋、金錢展、自家彈牙牛肉丸，濃郁惹味。

▲泰式打拋牛肉碎牛筋飯($148)：用兩種九層塔炒香牛肉及牛筋，加入南薑、豆蔻同深山香料，味道惹味。牛筋煙韌彈牙，口感豐富層次分明，再加燶邊太陽蛋同青檸汁提鮮，酸香開胃。

▲鮮蝦豬肉錦滷雲吞配梅子醬($58)：泰國直送雲吞皮，厚薄適中，炸得香脆金黃。餡料用豬肉蝦肉混合，胡椒調味，配自家製梅子醬酸甜開胃，脆口惹味。

▲炸豬皮($25)：酥脆脆口，不油膩。

▲大廚「可叻」燒雞肉($68)：正宗泰國南部「可叻」做法，用紅咖哩基調醃雞腿肉足足24小時，雞肉嫩滑多汁。配清爽青瓜沙律解膩一流。

▲泰風燒牛肉($98)：牛肉先用魚露同蔗糖醃漬風乾一日，入味夠濃，再撈上米粉碎燒香。配羅望子汁、魚露、青檸、辣椒調成酸辣醬汁，搭糯米飯一齊食。

▲蒸麵包伴暖古士醬($78)：將麵包蒸至鬆軟綿密，點上濃郁斑斕吉士醬，椰香同班蘭葉清香撲鼻，入口軟糯香甜。

▲炸泰北香蕉乾($88)：選用泰北「茉莉香蕉」新鮮炸製，外層酥脆金黃，入口即化帶蜜糖般香甜風味。

▲店內有多款泰式飲品，包括椰子沙冰($58)、凍梅子梳打($48)、香茅茶($45)等。

通思密 ThongSmith

地址：灣仔春園街 38 號 Spring Garden 地下

營業時間：11:30 – 22:00

電話：2802 0992

文字：香港人遊香港