《阿凡達3》勁收　下集2029年先有得睇　占士金馬倫比喻剛生完仔：唔急得嚟

由奧斯卡金像大導演占士金馬倫（James Cameron）執導的本年度壓軸大片《阿凡達3》（Avatar:Fire and Ash）近日全球公映，內地上映第2日票房已突破2億人民幣（約2.2億港元），雖然成績佳，但卻不及上集《阿凡達：水之道》（Avatar:The Way of Water）於2022年上映時的成績。至於北美方面，《阿凡達3》開畫3日預計票房有機會高達9,000萬美元（約7億港元）。

新一集《阿》上映後，占士金馬倫日前被問到下集的進度時，他即向記者開玩笑說：「我打個比喻，當一位女性正生緊仔，個BB頭剛剛先露出時，你即問佢下個仔女嘅嘢？『唔該啦，我先生咗呢個咋（比喻剛完成今集）！』」似乎占士唔急於乘勝追擊推出下一集！按照去年公布的《阿凡達》3至5集的推出時間表，下集《阿》要4年後即2029年12月21日才公映，而第5集就要2031年12月18日先有得睇。據知第5集將會講到納美人將打到落地球。至於第6集與第7集的映期暫時未定。

《阿凡達3》內地成績佳，而近期熱映中的迪士尼動畫新作《優獸大都會2》（Zootopia）於內地票房持續強勁，至今於內地的累積票房已突破37億人民幣（約41億港元）。

東網網站 : https://on.cc/東網Facebook專頁 : https://www.facebook.com/onccnews/