日本好去處：【東京迪士尼大型擴建計劃曝光！《無敵破壞王》主題設施登場！全新迪士尼酒店＋疑將加入《沖天救兵》主題區】
東京迪士尼｜東京迪士尼大型擴建計劃曝光
迪士尼迷注意啦！東京迪士尼正式宣布未來10年嘅擴建計劃，一連串精彩項目即將登場，準備好一齊投入迪士尼嘅魔法世界未呢？首先2026年東京迪士尼將迎嚟25週年慶典，舉行名為「Sparkling Jubilee」嘅盛大主題活動。樂園將以寶藍色作為主題，迪士尼角色著上專屬嘅25周年服飾，喺慶祝船上與大家見面，仲有限定商品同美食等緊大家。最令粉絲期待嘅係全新嘅《無敵破壞王》主題遊樂設施將2026年推出，玩家將進入「Sugar Rush」遊戲世界，同破壞王聯手對抗由國王糖果引起嘅「甜蟲」，預告場景設計超級可愛，而人氣設施「太空山」將於2027年完成升級，為大家帶嚟更刺激嘅冒險體驗，太空迷絕對唔可以錯過。另一個重大亮點就係全新迪士尼郵輪計劃，東京迪士尼將於2029年推出佢哋嘅首艘郵輪，郵輪上設有劇場表演、角色見面、主題餐廳、滑水道等設施。另外東京迪士尼樂園仲計劃建立全新嘅迪士尼飯店，增加住宿容量，2029年後將進行大規模擴建計劃，並公開咗設計概念圖。雖然官方未透露太多細節，但網民從概念圖中推測可能會有《沖天救兵》主題區域，令人期待！迪士尼魔法世界嘅未來發展令人興奮，快啲mark低日子，計劃你嘅夢幻旅程啦！
▲ 2026年4月至2027年3月，東京迪士尼海洋推出以寶藍色做標誌色嘅盛大主題活動，顏色靈感源自迪士尼海洋公園嘅美麗海景，將整個園區點綴成閃亮嘅慶典場景。角色會著上登上特別設計慶祝船同大十見面，仲會有以世界各地嘅舞蹈同音樂為主題嘅全新舞台表演，令整個度假區都充滿歡樂嘅氣氛！
▲ 迪士尼迷最期待嘅《無敵破壞王》主題遊樂設施將喺2026年明日樂園登場，取代2024年10月關閉嘅巴斯光年嘅星際歷險。全新設施入面，遊客將會進入正比害蟲侵襲嘅賽車遊戲世界，同破壞王一齊合作射擊呢啲糖果蟲，將佢哋變返做原本可愛嘅蛋糕同糖果造型！
▲ 東京迪士尼最受歡迎嘅經典設施之一「太空山」將於2027年完成升級，預計改造後嘅太空山將會有更流暢嘅軌道設計、更震撼嘅視覺效果，同埋可能會加入全新嘅故事情節，令太空歷險更加刺激驚險。
▲ 2029年後更將進行更大規模嘅園區擴建計劃，官方公開咗兩張概念設計圖，網民從概念圖中推測會有《沖天救兵》主題區域。
文字：香港人遊香港