醫療爭議｜中醫診所疑$20淘寶藥賣$800！事主不忿投訴，診所：醫師心緒不寧畀錯藥

醫療爭議｜近日有網民在社交平台上發文，表示早前到九龍灣某中醫診所求診，以800元購買了一盒藥物，怎料卻發現同款藥在淘寶只售20元！事主頓覺被診所「搵笨」，大感不值。編輯：YK@Medical Inspire │ 圖片來源：shutterstock

醫療爭議｜中醫診所疑$20淘寶藥賣$800！事主不忿投訴，診所：醫師心緒不寧畀錯藥

近日有網民在社交平台上發文，表示早前到九龍灣某中醫診所求診，以800元購買了一盒藥物，怎料卻發現同款藥在淘寶只售20元！事主頓覺被診所「搵笨」，大感不值。

事主在文中指，自己上周二（3日）在九龍灣一所中醫診所接受針灸治療，其後醫師推介她加購800元的「新複方蘆薈膠囊」，共消費5100元。事主離開診所後，發現藥物包裝上有簡體字，於是到內地購物平台「淘寶」搜尋，果然找到一款相同的藥物，但只售19.6元人民幣（約21.38港元）！事主隨即透過Instagram聯絡診所投訴，但診所卻以不同藉口推搪，後來更斥責、誤導事主。

診所回覆態度差、極混亂

起初診所與事主的對話仍尚算正面，診所以「醫師心緒不寧」開錯藥辯解，並指願意退回800元。然而當事主提出直接退錢時，診所又稱「我呢邊做唔到退錢」，要求事主直接致電醫師。

不久後，診所職員又突然提到「老闆而家有Cancer」，又指「心緒不寧」並非出自醫師口中，而是他「自把自為咁樣講」。見事主未有回覆，職員又無故突然列出醫師多項彪炳銜頭，揚言「你要退錢隨便退」，又指會贈送原價$4800的豐胸療程。事主對此不為所動，堅持退錢了事，診所職員的態度就越來越奇怪，更錄音說：「你係高尚人，咁樣話我啊？」、「我打份工唔係俾你X」、「點解你可以咁樣嘅？」

診所老闆反口不送療程，揚言告事主誹謗

事主忍無可忍，最終決定直接聯絡身為診所老闆的醫師。然而醫師的回覆同樣態度不佳，雖然同意會退回800元藥費，但之前承諾贈送的豐胸療程又突然要求事主需「補返錢」，更稱「我係老闆，我冇應承過要送豐胸畀你。」事主直接向醫師表達不滿其態度，隨即被對方以多條訊息「轟炸」：「冇感恩之心？我阿媽送俾你係佢犯賤？」、「我亦可以告你誹謗」、「妹妹，做人做事唔可以咁樣」等等。事主表示作為消費者，對診所的混亂回應感疑惑，卻獲回覆「要唔要報警？我同你屋企人一齊去，睇吓邊個錯。」

消費五千換來惡劣態度，事主：好唔舒服

事主在帖文中說：「其實到後面我已經放棄叫佢地退錢，始終佢哋都真係攞咗證據畀我睇個藥係喺香港攞，但個態度真係令到我好唔舒服。」她指：「話晒我都喺舖頭消費咗成五千蚊，作為商家咁嘅態度真係正常咩？」不少網民都同情事主的遭遇，有人指涉事診所是「千年黑店」，亦有熟悉行業的網民指同款藥物在香港的建議零售價僅68元，即使醫師並非從淘寶入貨，以800元售出亦同樣是謀取暴利。亦有網民不明白為何事主會花費高達5000元做針灸，「但係你點針到$4300？整燒肉啲燒豬都冇你咁多針」、「我都想問點樣睇中醫睇到5100」。