消息指坦哈格決定留住舒希克成為球隊新一季正選前鋒

💡利華古遜兩位前鋒舒希克同邦尼菲斯係過去兩年一直都存在住競爭，雖然邦尼菲斯係2023/24球季就成為正選前鋒，但係上季就開始出現咗變化，舒希克成為球隊正選前鋒，並且係德甲有21個入波

💥根據圖片報消息，由於通常只有一位前鋒上陣，另一位前鋒就會覺得失望，所以利華古遜決定只係留低其中一位，而利華古遜新教練坦哈格決定留住捷克🇨🇿前鋒舒希克。事實上，舒希克曾經多次係比賽表達不滿，並且批評球隊同前教練沙比阿朗素缺乏溝通

💥為咗避免有兩位正選前鋒，利華古遜決定賣走尼日利亞🇳🇬邦尼菲斯，並且想收返5000萬歐羅轉會費，不過邦尼菲斯本人就好想。邦尼菲斯經理人最近接受訪問就話「雖然利華古遜換咗教練，球隊有全新陣容，但球隊仍然非常出色，我哋無同任何球隊傾過，而邦尼菲斯亦都唔諗住離開利華古遜。」