梁敏巧夥「暖男律師」睇騷　榮嘉爾「回歸」被Matt怒睥

TVB戀愛真人騷《女神配對計劃》前晚（8月24日）剛播出最終章《女神配對計劃 最後告白》推出前的最後一集，而於9月8日起將一連播出6集。葉蒨文（Sophie）及曾展望（GM）和羅毓儀（Yuki）及林俊其（Kris）多次在街上被捕獲，疑似已配對成功。而梁敏巧（Maggie）亦被傳媒指情歸年薪超過100萬元的「暖男律師」劉啟進（Matt）。

有傳媒報道，梁敏巧與Matt一起到啟德體育園觀賞鄧紫棋演唱會。散場時兩人一同離開，並前往跑馬地食宵夜。最後，由男方護送女方返回香閨。兩人未有就報道回應。

而在剛播出的一集《女神配對計劃》，Maggie的馬尾校服Look，加上「紅卜卜妝容」，被網民大讚。而最初被Maggie選中但因事退出、來自烏茲別克的榮嘉爾Jay就成為「踢館者」。面對Jay的突襲，Matt以百分百戰鬥格迎戰。首先，他問Jay如何遙距維繫「長久關係」，獲Maggie大讚細心：「Matt第一時間幫我諗將來，我覺得佢好細心，好為我設想。」

之後經安排，Jay代替Matt坐在Maggie身旁，面對「Maggie身旁的唯一」位置被搶走，Matt起初滿臉敵意說：「不行」，並以「我就不走」為由拒絕讓步。雖然Matt最後還是展現風度讓座，但已令Maggie大為震驚：「我做咗《東張》咁耐，我都有種驚嘅感覺，佢哋好有火藥味，我覺得完全唔識Handle。」Matt事後向製作訴心聲：「話晒我都有努力，先坐喺呢個位架嘛，你一嚟就將我趕走去後面，我覺得都有啲呷醋嘅。」