岑麗香孖陳家樂出活動宣傳《我愛九龍城》　親熱戲欠奉照樣拒絕兒子收看

HOY TV首部原創劇《我愛九龍城》將於星期一晚（8日）首播，一眾劇中演員包括陳家樂、岑麗香、栢天男、敖嘉年及黃澤鋒，聯同主題曲主唱菊梓喬等，今日（7日）齊集將軍澳東港城出席記者會，分享拍攝感受，吸引過百粉絲到場支持，場面墟冚。

陳家樂和岑麗香在劇中演一對，但全劇只有一兩場甜蜜戲，沒有親熱戲。相隔4、5年再拍劇的岑麗香透露，劇中會面對三角關係，周旋於陳家樂和栢天男之間，她直言由於感情比較複雜，不會讓兒子收看該劇。「我兩個仔年紀仲細，未分到事情真與假，等他們長大一點，才讓他們翻看我的作品，其他小朋友可以睇，因為大家知道我是演員。」

陳家樂表示，拍攝此劇到播出只花了9個月時間相當有效率，談到無綫剛播完題材相近的《麻雀樂團》，家樂坦言劇集題材相同十分普遍，加上《我》劇中麻雀館只是引子，去帶出其他事情，故不擔心觀眾會跟《麻》劇比較：「最主要講即使地方改變，但我哋情係不變。」

談到劇中二人有感情線，岑麗香表示劇中主要交代她跟家樂過去的一段情，反而與栢天男相對多甜蜜鏡頭，問到成為母親後會否減少接拍有親熱戲角色？她説：「會呀，因為試過同小朋友拍廣告，我朋友嘅小朋友問點解香香姐姐個仔仔唔同咗？令我明白小朋友未識分。」

陳家樂笑指，婚後反而接得更多這類角色：「例如一啲好激嘅床戲，但冇問題嘅，最緊要拍之前同太太交代清楚先，因為我哋好尊重大家工作，當然更要尊重太太感受，做之前一定要講清楚。」