李尹嫣奪最上鏡卻無緣三甲 自覺輸台風口才：可以再好啲

《2025香港小姐競選決賽》昨晚（8月31日）圓滿結束，所有賽果塵埃落定，（1）李尹嫣賽前被視為黑馬，她榮獲「友誼小姐」及「最上鏡小姐」兩個獎，卻未能躋身三甲。

昨晚她受訪時表示，自覺已算打破友誼小姐魔咒：「因為今（昨）晚呢自己都攞到兩個獎啊，都算係好優秀啦﹗」問她為何不聽算命師傅講，明年才選美呢？她說：「算命師都算錯咗，因為我今（昨）晚攞到兩個獎。」問她覺得為何三甲不入，輸在什麼呢？她說：「可能台風同埋口才可以再好啲，今（昨）晚我都會返去睇決賽錄影，會再去學習。」

問她花了$4000點塔香是否有幫助？她說：「都算幫到，因為覺得自己表現幾好，冇緊張﹗（為什麼不信算命師但又走去拜神？）算命還算命﹑拜神還拜神，𠵱家攞到兩個獎都諗住去還神。」

（即時娛樂）