醬油海鮮極濃蠔湯！｜青雪商店｜天后

有種餐廳老闆我係特別尊重，就係開拉麵店嘅m底老闆。一向一討論拉麵就會世界大戰，開拉麵店走入戰場，真係心理質素同精神面貌差啲都唔得。不過成日話有批評先有進步，呢到老細應該都進步神速。

先唔講口味如何，睇佢IG真係成煲雞，真材實料現場熬湯，雞豬肉配料都係日本貨，起碼唔係預製湯包，唔係下價貨，呢啲都係值得尊重。其實要鬧嘅話，市場仲有更多預製味精湯麵，講到尾都係百貨應百客，抱住試伏心態都係一種人生體驗。

-
🍜熟成醬油清湯拉麵 ($104)
除咗濃湯，呢到都有醬油清湯，Menu寫明用日本手工木桶醬油，再加新鮮雞熬起，味道走鹹鮮清，配埋北海道豚肩、華味鳥雞腿、博多地雞胸同溏心蛋，其實都真係幾足料。

🦪蠔白湯- 三種蠔濃湯拉麵 ($135)
鍾意食蠔嘅應該會好鍾意，用三款蠔打碎溶入湯，食完都覺有啲補，質地真係非常稠身，飲落仲有蠔肉碎/蓉，都係配哂北海道豚肩、華味鳥雞腿、博多地雞同溏心蛋。

❇️免費加拉麵
其實老細真係口硬心軟，之前見到佢地呢單嘢上埋新聞，驚啲客人食唔飽，出咗任加拉麵，點知比人濫用嗌一碗麵再解壓縮。而家轉咗，都可以免費加一次麵，如果真係唔夠，我諗加兩次都唔介意嘅。

🦐醬油熟鮮蝦 ($38)
🦪醬油六頭鮮鮑 ($40)
🦪醬油蠔 ($38)
佢地呢到仲有啲醬油海鮮，醬油都有加入辣椒花椒，用新鮮蝦新鮮鮑魚，蝦都係拆好哂殼，而蠔真係鮮嫩嘅，蠔味超重，但怕腥唔啱食就唔好嗌了。

-
青雪商店
🗺️天后電氣道39號凱旋大廈地下L號舖
📞5729 1538
❇️聽講過話呢到鋪頭臭，果日唔係好覺，可能之前真係臭，或者一時時，大家可以感受下。

▼Follow foodiegogoooo
Instagram: https://www.instagram.com/foodiegogoooo/