甘賓尼宣布二號龍門烏比治將會以正選身份上陣

🚨由於德國盃比賽對拜仁非常重要，再加埋正選龍門紐亞因為上季對住利華古遜德國盃16強比賽拎紅牌被罰停賽兩埸，所以拜仁希望二號烏比治今晚對住慕遜加柏德甲比賽以正選身份上陣，希望係下星期對住科隆德國盃比賽之前搵返最好狀態🙂

💬甘賓尼係記者會宣佈「烏比治將會以正選身份上陣，我通常唔會透露正選陣容，但龍門位置成日都會有啲唔同，而清晰安排都係好重要，紐亞將會同我哋一齊飛去慕遜加柏。我哋希望對住科隆德國盃比賽之前，希望俾到烏比治一個機會😉。」

💥根據圖片報消息，拜仁後衛史坦尼錫開始參加團隊訓練，之前史坦尼錫因為右腳膝頭哥內側韌帶部分撕裂缺席最近6場球隊比賽。史坦尼錫已經可以順利參加訓練，但狀態似乎未去到最好。消息指🇭🇷後衛史坦尼錫同🇩🇪翼鋒基拿比都可以順利完成比賽之前最後一次訓練，預計兩位球員都可以進入今晚比賽大軍名單🤓