東張女神俞可程矯視出意外 　「兩隻眼眼角膜皺摺埋」

現年27歲、去年參選港姐入行的「東張女神」俞可程（Kanis），繼早前遇車禍手臂留疤後，近日再遇意外。她在社交平台分享，因長期配戴隱形眼鏡導致眼睛負擔過重，早前決定接受激光矯視（Lasik）手術，未料手術後出現罕見情況，需即時再做一次手術。

俞可程表示，自己右眼近視達900度、左眼825度，由於工作時間不定，要長時間戴隱形眼鏡，於是決定接受矯視手術。不過手術當日返家後，她感到「隻眼一直好痛同標眼水」，原以為屬正常反應，但翌日起床後仍視線模糊，複診時發現雙眼角膜皺摺，「醫生話出現呢個情況應該好少，我都算『幸運』」，需立即進行第二次手術重鋪角膜瓣。

她回憶當時相當擔心，「好驚重鋪後又再皺褶多次，長遠會影響視力」，因此整日不敢張開雙眼或移動。幸好幾日後情況穩定，視力恢復清晰，她笑言終於可以期待「唔使帶眼鏡嘅日子」，並提醒自己以後要好好保護雙眼。

俞可程亦在帖文中自我勉勵，表示：「最近我都經歷都好多意外同不幸，人生總有高低起跌，其實所有既不幸都解決到，亦都係會過去，而我深信逆境係會令我成長令我更強大，保持正面，其實都無咩大不了啫，我知道所有好嘅事 is coming hehehehe。」