張紋嘉搭巴士遇輪椅人士　目擊阿叔罵司機「咁慢」

前女子組合HotCha成員、現年40歲的張紋嘉（Crystal），昨日（3月22日）在threads分享她在周日乘搭巴士時，目睹一名「阿叔」因有輪椅使用者上車而罵司機「咁慢」。張紋嘉將事件公諸於世，引起網民熱議，有網民力撐司機，但亦有人指她為何不當場出聲，事後才做「鍵盤戰士」。

Crystal昨日在threads發文寫道：「今日為咗慳油錢（油價上升指數不及人工）我就選擇搭巴士，排隊上車之際，前面有一個輪椅人仕要上車，所以巴士司機就要落車開個板俾佢，過程真係一啲都唔耐。排隊嘅其中一個阿叔唔知同緊邊個講『梗係耐啦！有輪椅嘛！啲九巴司機三萬幾蚊一個月都咁慢！』佢仲要特登話俾個司機知，連個輪椅人士都好無奈！少啲戾氣啦，今日星期日，你其實有幾趕呢？」。

張紋嘉於2007年以女子組合HotCha成員入行，約滿後轉型為演員，曾演出舞台劇《幸福2+1》及《下一站，正常》；劇集《大叔的愛》、《百萬同居計劃》、《出租大叔》、《弊傢伙！我要去祓魔》及電影《緣路山旮旯》等。與男友林子傑拍拖逾10年，曾一起參加ViuTV《調教你男友》、演出劇集《弊傢伙！我要去祓魔》。近年Crystal除自資出歌，同時亦是演員和身心靈導師。