呂爵安做特約記者表現獲讚　與蔡俊彥互窒追問張家朗有水準

《第十五屆全國運動會》的劍擊賽事，在香港舉行，ViuTV就派出MIRROR成員呂爵安（Edan）擔任一日特派記者，追訪其好友蔡俊彥（Ryan）及奧運金牌張家朗賽後的情況。訪問蔡俊彥時因為二人是大學宿友，受訪時不單似朋友交談，更出現互窒對話，相當有趣。而到張家朗時，Edan收起佻皮，一臉認真去發問，又幫好友蔡俊彥追問兩條問題，表現莊諧並重，獲觀眾大讚。

率先採訪是好友Ryan，對方8強止步，Edan起初還以為心情會很差，但見面臉帶輕鬆，笑指本來是不開心，但見到「老Best」出現立即有返笑容。Edan問到對方可有不開心？Ryan︰「本身都冇唔開心，因為而家大個啦，唔會因為一次失落就唔開心。」隨後便好友上身勁窒Edan︰「即係好似你咁，唔會因為走音就唔開心，如果唔係，你咪成日都要唔開心？」

這一下令Edan有點措手不及，反眼兼唞大氣，亦只好自嘲一番：「係呀係呀，我都大個啦。」Ryan隨後都笑言自己經常輸︰「可能你見我上年贏三次，但其他全部都輸，如果每次輸都唔好開心，我會好抑鬱。」Edan見機會到，立即捉緊來個大反擊：「咁我走音嘅頻率，應該無你輸咁多…哈哈哈哈哈哈！」雖然輸掉比賽，但訪問時反見輕鬆。

去到訪問張家朗，當時四強止步，Edan一見到對方先禮貌地鞠躬打招呼，並問其心情如何？張家朗︰「心情其實唔係咁好，因為始終自己見到一個機會喺四強度，但係輸咗，都有啲可惜。」Edan同時就追問比賽時，有些具爭議的裁決，可有影響自己比賽的節奏？張家朗反指是自己影響了比賽節奏，承認情緒有點波動，並重申裁判沒問題。

最後Edan還老友Ryan轉達問題，先是搞笑地問︰「你對於Ryan咁早出局，佢問你有咩感受？」張家朗聽後都笑起來，並鼓勵隊友：「佢唔早啊，前8啦，我本身諗住幫佢報仇，點知我都輸埋！」另一條就問到張家朗剛才對手的教練，原來曾經都是自己的教練，比賽時可有特別感受？張家朗︰「又熟悉又陌生啦，係有啲奇怪坦白講，平時見佢坐我後面，點知而家坐我對面。」最後張家朗就希望將來香港可以舉辦更多劍擊賽事，讓香港市民欣賞。