佘詩曼現身馬國獲保安人鏈開路 粉絲夾道歡迎場面墟冚
「三料視后」佘詩曼風塵僕僕，主演的劇集殺青翌日便赴馬來西亞出席當地活動，獲十多名保安開路恍如女王駕到，期間更被熱情粉絲感動險落淚，她自嘲只會做蝕本生意，故無意創業。
佘詩曼（阿佘）現身馬來西亞為餐廳開幕擔任剪綵嘉賓，她以紅色單肩連身裙亮相，明艷照人。現場早已擠滿圍觀市民，迫得水洩不通，阿佘落車後獲大會安排十多名保安以人鏈護駕，並為她撐起多把紅色傘子，而兩旁站滿市民夾道歡迎，場面墟冚，十足女王駕到！
阿佘透露劇集《新聞女王2》已告殺青，可以出席馬來西亞活動大感開心，笑言：「終於唔使減肥同忍口，一陣可以瘋狂大食。」又指作為一個演員，當然希望大家叫她劇中的角色名，代表觀眾看得投入，並高呼：「所以你哋叫我Man姐啦！我真係好開心，每次嚟到你哋都好熱情，希望好快再來馬來西亞同大家見面。」獲現場粉絲向她歡呼，她即時感動謂：「你哋唔好整喊我。」被問到會否有意做生意時？她坦言：「我冇生意頭腦，我成日都會話你哋食啦，唔收你哋錢，我會做蝕本生意，所以唔考慮做生意。」
另外，阿佘昨日在社交網上載殺青視頻，片中她正拍攝自己的最後一個鏡頭，講到殺青感受時，她坦言：「殺青呢場戲得我一個人，好似好冷清咁，好掛住全劇演員，好想佢哋全部一齊出現。我係有少少唔開心，因為我唔知道會唔會有機會演Man姐嘅角色，我會好唔捨得同好掛住Man姐。」她講到《新2》跟上一輯有所不同，會涉及更多Man姐的心路歷程：「我覺得每一個人就算幾強都會有挫折，都會有內心想隱藏嘅秘密，一啲唔想記得嘅過往，但好多時因為一啲事而觸發出嚟，至於點去企番起身，我覺得呢個都係我自己同Man姐從中學到嘅嘢。」她又指覺得《新2》會更精彩：「因為有黃宗澤同夏文汐嘅加入，兩個都係好重要嘅人物，我同黃宗澤合作好開心，大家經常研究吓點樣互寸，佢把口真係好衰。」
東網網站 : https://on.cc/東網Facebook專頁 : https://www.facebook.com/onccnews/