澳門好去處：【一生必看澳門水上匯演《水舞間》強勢回歸！耗資20億打造！全新故事情節＋300位演員驚險特技表演】
水舞間｜一生必看澳門水上匯演《水舞間》強勢回歸！
全球超過600萬人次親身體驗嘅史詩級水上匯演《水舞間》，自2010年首演以來，已公演近4,000場，成為澳門最具代表性嘅娛樂節目之一，2020年因疫情停演，經歷咗5年等待終於再次與大家見面啦！呢場被譽為「一生必睇」嘅水上傳奇， 集合近300名來自30多個國家嘅表演者，融合高空雜技、戲劇同尖端水效科技， 舞台中央設有 巨大水池 ，演員喺水中演繹跳水、游泳、飛車同多種驚險刺激嘅特技， 打造一場前所未有嘅視覺奇觀！最震撼嘅係場地有高達25米嘅特設跳板，比奧運跳台仲要高2.5倍，表演者以完美技巧挑戰重力，帶你感受心跳加速嘅每一個瞬間！重新回歸嘅《水舞間》喺經典基礎上全面升級，斥資高達20億港元打造，由國際頂尖藝術總監重新構思舞台，仲加入咗全新陣容。新故事 延續原有愛與冒險嘅感人故事，仲加入更多傳統戲劇同科幻等新元素，仲有全新角色登場，令情節更加豐富動人。演出完結後仲可以喺紀念品店選購邊商品，將呢份奇蹟同美好回憶帶返屋企。唔好猶豫啦，快啲計劃你嘅澳門之旅去見證呢場奇蹟啦！
▲ 被譽為一生必睇嘅傳奇水上匯演《水舞間》，絕對係澳門嘅文化地標。劇院本身都係一件藝術品，270度環形設計，搭配11個液壓升降機同239組自動噴泉，仲有370萬加侖儲水量嘅巨型水池，配合30位專業潛水員，打造超沉浸式體驗。
▲ 由專業藝術總監領軍，集合咗近300名來自全球30多個國家嘅專業表演者，每位演員都接受過嚴格訓練，無論係高空雜技、戲劇演繹定水上特技，表現都毫無破綻，精準又震撼，令觀眾全程投入，掌聲不絕！
▲ 故事講述一位勇敢嘅異鄉人，意外闖入神秘王國，為拯救被黑皇后囚禁嘅安妮公主，憑智慧與勇氣進行一場光明與黑暗嘅對決。故事中水唔單止係舞台嘅核心，更係愛與奇蹟嘅見證。
▲ 演喺欣賞完震撼嘅水上匯演後，記得去場內嘅紀念品店睇下！度有售賣T恤、鑰匙圈、明信片等周邊商品，絕對係帶返屋企嘅最佳回憶！
《水舞間》
日期：逢星期一、四至日 (實際休演日或因應假期調整，請參考官方演出時間表)
地點：新濠天地一樓水舞間劇院
文字：香港人遊香港