聲秀｜譚耀文組奪91分 胡鴻鈞忽變嚴師 陳懿德勁迷Matt

無綫節目《聲秀》昨晚（7日）播出的一集，最高分組別是譚耀文組的布子殷（布子）、蕭凱恩 Michelle、胡港豐Andrew演繹李克勤Medley，獲得91分好成績。

正式表演時，Michelle彈琴並以靚聲開場，配合Andrew低沉男聲，加上布子清澈的歌聲，3人完美和音、令隔籬組的蘇永康亦忍不住「畀手指公」，並大讚3人：「你哋嗰種和諧，3個人嘅聲音，冇乜花巧嘢喺度，但係大家都拎個心出嚟唱。」同時又大讚譚耀文：「你知道佢哋嘅優點喺邊度，我覺得掌聲係（屬於）阿譚嘅。」

3人表現獲評判高度評價，T-Ma說：「好detailed，個個人點綴嘅位同vocal control都非常之好」、「你哋連和音都有輕重。」嚴勵行說：「Feel到3個人係做緊同一件事。」並大讚Michelle：「我之前都聽過你唱歌，你嘅進步真係好大，非常感動。」舒文亦盛讚：「3個人加埋多過3。」

本集第二高分的，是蘇永康組的90分，Matt（胡子貝）表現亮眼，令對靚仔免疫力較低的主持陳懿德，也大讚兼「心心眼」：「將姐姐都迷倒了。」德德對吳浩康組的陸卓謙Jeffrey亦情有獨鍾，不斷追問Jeffrey在演繹許志安失戀歌曲時如何代入：「你有冇拍過拖？」令Jeffrey一度招架而「呆咗」，吳浩康即出面護航：「冇呀！冇呀！」最後Jeffrey含糊回應：「可能都有呢？」

向來是「心靈系導師」的胡鴻鈞Hubert動怒，事緣組員穎喬Ziva、周智敏Emily、張津銘在排練期間表現欠佳，令Hubert難掩失望，直言：「我花咗好多時間，啲和音點設計都為你哋諗過。」Hubert更直指津銘出問題：「你今日畀我嘅感覺，係你冇練習足夠。」

被訓話後，3人馬上調整腳步，加緊練習，最終贏回Hubert認同，但Hubert不忘訓話：「有啲臨急抱佛腳嘅感覺，之後我覺得唔好成日都抱住呢個心態。」表演時，張津銘以「渣男」為Concept，與Ziva、Emily大玩「三角戀」，合唱楊千嬅多首經典歌曲，炮製戲劇感十足表演，3人獲84分。

（即時娛樂）