AP潘宇謙第3張專輯上架 「壓上全部」當最後一張來做

AP潘宇謙第3張個人專輯《距。離》日前面世，一手包辦詞曲、製作與造型，升級擔任音樂主理人的他笑謂：「我將專輯當做『壓上全部』嘅作品，今次最難忘係將『距離』呢個命題延伸，遠距離愛情、觸碰不到嘅距離、生與死嘅距離、現實與理想嘅距離、人與人之間嘅距離，甚至係現在與過去的距離。除咗要思考唔同曲風，仲有往返香港同台灣錄音、拍MV、設計專輯封面，花咗唔少時間，但係同新合作嘅製作人擦出咗好多火花，呢個係我好感動嘅地方。」

AP表示受陳輝陽提醒，做歌手不能只想外界有沒有在聽，應該專注享受創作與做音樂過程，他指這句話成為這張專輯最重要信念：「世事無常，世界每天都喺度變，好多熟悉嘅人事物都唔一樣，有啲人離開咗，有啲細個成日去嘅餐廳都執咗笠。作為歌手最大嘅幸運，就係可以用音樂將故事留落嚟。」他笑言如果《距。離》真是最後一張，就把歌寫給別人唱：「我手上仲有10幾首demo未用，話唔定之後可以派上用場。」

在製作班底上，《距。離》同樣星光熠熠，最讓歌迷驚喜的是，他與台灣人氣樂團「理想混蛋」首次合作的歌《相對靜止》，由團員雞丁操刀詞曲、廖文強製作，雙方更在馬來西亞檳城舞台驚喜合體首唱，掀起話題。

AP透露幾年前在健身時，聽到理想混蛋的歌，已經覺得他們很特別：「之後特登去睇佢哋台北站演唱會，所以就同理想混蛋邀歌。錄音嗰陣，我愛雞丁靚聲真係好夾，真係好驚喜。」AP更帶同蝴蝶酥送給理想混蛋，團員們被美食融化，他笑說：「我諗住用食物『收買』佢哋，仲咁啱有減價！」

雞丁亦大讚意外地夾：「AP錄音時還會拿着小本子記錄，他的字很美，是個超級認真又厲害的音樂人。」他們打趣表示要期間限定組一團，理想混蛋直言一開始覺得AP很帥又高冷，相處後卻發現他非常熱情，雙方合作愉快。

（即時娛樂）