消息指德國中場域斯已經拒絕拜仁，決定加盟英超球隊利物浦

根據德國天空體育消息，利華古遜中場域斯已經拒絕拜仁，並且決定加盟英超球隊利物浦，而域斯同利物浦就個人條款達成一致，利物浦好快就會向利華古遜提交正式報價，預計兩間球隊好快就會達成協議。如果利物浦成功簽入域斯，域斯將會成為史上最貴嘅德國🇩🇪球員😉
根據德國傳媒SPORT1消息，拜仁之前好似好大機會簽到域斯嘅原因係域斯屋企人同拜仁名譽主席漢尼斯一直關係唔錯，但最後選擇邊間球隊就係域斯本人作出，而域斯對於加盟利物浦充滿熱情😶

消息指利物浦教練史洛係域斯決定加盟嘅重要因素，因為史洛係雙方交流入面展示出極強説服力，並且為域斯整咗個職業生涯發展藍圖。當然，拜仁都有為域斯整咗個職業規劃，但未能成個打動域斯，因為當中仲有一啲未能成功解答域斯，而值得一提嘅係錢唔係決定性因素，因為利物浦同拜仁都係俾差唔多嘅人工🙃

根據德國天空體育消息，隨住域斯已經拒絕加盟拜仁，拜仁今個夏天唔會再簽可以同梅斯亞拿做拍檔嘅10號位球員。相反，拜仁今個夏天買人重點將會轉移到簽入世界級左翼，呢位球員將會成為球隊主力，因為拜仁預計今個夏天至少會有一位左翼離隊（辛尼/高文）🙂