Pandora新歌《年輕小說家》　鼓勵大家勇敢走自己嘅路

Pandora今年相當勤力，嚟到第三首作品《年輕小說家》，搵嚟少爺占填詞，鼓勵大家勇於走自己喜歡嘅路。

「小伙子 過去 最百厭 平凡幼稚 有幹勁 但卻無本事」

年少時我地總會有不顧一切嘅勇氣，即使失敗仍然會再接再厲。然而，隨年歲增長，內心逐漸開始產生各種顧忌，害怕犯錯與受傷，彷似處處有阻滯，難以前進。

「這章節 現在未如意 繼續去寫 要一直試 就像昨天 收放自如」

生活遇上挫折與難關其實正常不過，但要緊記多不如意都無需氣餒，只要願意繼續嘗試，就永遠唔會太遲。身邊可能會有各種聲音與規範，但同時定會有人支持你。不論得失，都要向快樂而行，為自己而活。

「別要理 世界保守封建 教訓與歷史 就做你吧 人生無下次」

人生只得一次，保持一顆童心，趁尚年輕寫下屬於自己嘅故事，內容係點其實唔重要，最緊要能夠享受過程，不留遺憾。只要係由你所寫，就必定精彩動人，痛痛快快活一場啦！

「成年的心應該加點幼稚 為甚結尾 要似偉人立志」

《年輕小說家》旋律輕鬆舒服，一字一句都帶出滿滿正能量。同《出走少年》、《明日旅程》一齊欣賞更加好似聽咗一堂人生課程，相當具啟發性，給予大家力量繼續向前。

「路上遇著 愛過的 摯友女友 得到過 失去的 多少個春秋」

雖然一段時間無寫pan記，但佢地嘅作品真係keep住高質又充滿感染力，仲屢屢比到驚喜樂迷，已經穩居我最喜歡嘅樂隊top 1，好期待專場了！

「日日月月 編寫新章節 瀟灑的去走」

假如你依刻仍然對前路迷惘，不妨聽多幾次《年輕小說家》，放膽去試，人生無下次🤙

《年輕小說家》Pandora
曲：Pandora
詞：Jim Yan
曲：Pandora
監：Pandora/舒文

「現在未到結束
就學習著 笑或愁
路上遇著 愛過的
摯友女友 得到過 失去的 多少個春秋

十萬字 寫不夠
舊事舊物 會變走
日日月月 編寫新章節 瀟灑的去走」

▼Follow hkpopculturelover
Instagram: https://www.instagram.com/hkpopculturelover/