[跑馬地Creo火系新店‧必試全新燒烤美食/鳳凰精品咖啡] 🌼🌿✨

發布於 2023年03月14日02:57

跑馬地又有新貴，那就是以五行為主題嘅Creo by Brentwood！繼之前嘅「水」及「木」，嚟到第三間就以「火」為題，整間店以棕橙色及燒窰嘅紅磚為靈感，加上橘紅調子嘅香港社區壁畫，唔似出面的Cafe一味水泥白tone，洋溢濃濃嘅藝術及本土氛圍，感覺別樹一格！此外，Cafe連咖啡杯都用料講究，採用黑釉陶杯，捧在手有種溫暖感，有著燒焦嘅黑炭觸感，充分帶出火山元素呢！
在咖啡方面，跑馬地Creo都同另外兩間店不同！咖啡係特別用本地精品咖啡品牌「鳳凰咖啡」，匯粹咗洪都拉斯、埃塞俄比亞及水洗埃塞俄比亞咖啡豆於其中，特色帶焦糖味道嘅餘韻，又具強烈花果香。食物上，新店設計多咗燒烤元素嘅餐點，回應返火系主題，如BBQ原條豬腩、烤焗Creo版法式西多士等，仲有生果主題甜品，視覺及味道並重！
✦ French Toast HK$108 🍴4.5/5

先講講大家一致好評嘅Creo版法式西多士！多士質感好似布丁咁綿滑，蛋香十足，外層嘅包邊又脆口，口感一流！

✦ Spicy BBQ Pork Belly Roll HK$138 🍴4/5

肉控必點呢款新店限定嘅店香辣BBQ原條豬腩肉三文治！自製製嘅燒烤醬，酸甜開胃，即便豬腩咁厚都好入味！味道調得好！食上口好鬆軟，唔痴牙，好難得！此外，外層嘅麵包外脆內香都好正！值得一試！

✦ Parma Ham Avocado Open Sandwich HK$108 🍴3.8/5

唔想食咁肥膩，呢款巴馬火腿就啱晒！上面嘅巴馬火腿唔似出面成日食到嗰D又油又咸，肉質好嫩，食得出係新鮮切出來。自家製牛油果醬都好熟軟，連底層嘅酸種包食一流。

✦ Shrimp Pesto Pasta HK$128 🍴3.5/5

份量都幾大，意粉伴有3隻大蝦及雜菌，唔似出面咁過重忌廉，食到好滯，但略嫌味道較淡。

✦ Eton Mess HK$88 🍴3.5/5

超大杯嘅英式甜點！士多啤梨酸甜適中，有蛋白脆脆及忌廉，食完都幾飽肚，幾個人share啱晒！

✦ Royal Brulee HK$48 🍴4.5/5

超推薦呢款特飲！底層係伯爵茶Latte，上面有蛋白奶蓋，仲有一層焦層，飲上口難得不會太甜膩，口感十足！

✦ Seedlip Shakerato HK$68 🍴4/5