基拿比接受訪問大讚隊友哈利簡尼：簡直係人同機器混合體，佢今季嘅表現真係好恐怖

💪🏻拜仁翼鋒基拿比接受訪問大讚隊友哈利簡尼「簡尼簡直係人同機器混合體，佢今季嘅表現真係好恐怖。簡尼份人腳踏實地，同每個人都相處得幾好，佢份人真係好好，不過佢嘅德文水平仲需要提升下🤣。」

🥲基拿比係訪問講到上季情況「上年對我嚟講真係好困難，如果個腦完全跟唔到節奏，咁樣表現自然都會受到影響。好老實講，我都係一個普通人，足球只係生活一部分。當然，呢個係我嘅職業，我會盡力保持專業🙂。」

💬呢位德國🇩🇪翼鋒最後講到自己未來「我依家對於自己未來並唔擔心，我好放鬆同埋想專注依家工作，令依家狀態保持落去。至於其他野，我哋睇吓之後會發生咩事。我只會話我係慕尼黑、拜仁呢間球會同埋身邊嘅人都相處得好舒服🤓。」