明明沙漠乜都冇｜梁彥宗練美娟沙特打卡遇工地奇景

梁彥宗（Chris）、練美娟（娟姐）主持的ViuTV全新節目《明明沙漠乜都冇》下周一（8日）首播，Chris作為冷門旅遊目的地專家，伙拍識食識玩的娟姐飛到3個擁有「世一沙漠」之稱的國度，實現食、買、玩和「打卡」的全面體驗！他們將在第一集去到以財力見稱的沙特阿拉伯首都利雅得，到被譽為全世界體積最大的建築新地標「打卡」，惟抵達時所見的卻是一片工地。娟姐笑言：「頭先落車嘅時候，我見到司機好Confuse咁話『Really？Here？』，我哋仲話Yes！」雖然工地「乜都冇」，兩人依然自豪地戲稱：「我哋簡直係喺時代嘅尖啄，佢未起好已經嚟同佢『打卡』。」

Chris和娟姐之後試乘去年底才投入服務的全新地鐵，其間發生小插曲，一名當地女子主動上前跟他們交換聯絡方式和拍照。娟姐開心表示：「嘩！我增加咗我個版圖喇﹗啲人會唔會以為我買啲中東粉絲撐場。」Chris回覆：「佢話想睇吓你嗰個Social Media呀，但係一提到可唔可以影一影佢哋，佢哋就即刻避。」

他們隨後參觀當地靚屋，女主人Fatima熱情招待，還把娟姐化身為美艷的待嫁新娘。Chris笑稱娟姐出場有如一個移動的花蕾。娟姐起初擔心拍攝過程會打擾她們：「我仲驚會Chur親佢，但係點知佢同佢啲小朋友好似已經有咗共識咁樣，我哋一入到去，佢哋會影番我哋，所以我覺得成個過程幾得意。」

（即時娛樂）