MIRROR「FING小組」再開騷　Alton AK Frankie Lokman 11月DUM爆舞台

近日MakerVille風波不斷，繼阿Mo治療資源疑面臨「真空」後，MIRROR成員Jer柳應廷宣布年底亞博舉行兩場個唱，但海報設計被嘲「小學雞P圖」，本尊出Story反擊卻未能平息事件。但近日其實「FING小組」成員Alton x Anson Kong x Frankie x Lokman亦強勢宣布回歸舞台，將於11月5日假亞洲國際博覽館10號展館舉行《Manifest | W.T.F.2 Live 2025》！四子承諾以更強能量、更爆舞台，與樂迷再續「WE TOGETHER FOREVER」之約，徹底燃燒亞博館！

「FING小組」今年6月的首場演出以街舞文化為核心，全晚跳唱，演繹《FING!》及《DUM!》等小組作品，並重新詮釋多首樂壇經典，如《男子組》、《昨遲人》、《取消資格》等，舞台魅力與體能極限挑戰贏盡口碑。演出尾聲以《Easy》與《大丈夫》將氣氛推至高峰，四子真情流露，台上台下淚水與汗水交織，成為樂迷心中的難忘時刻。

縱然完騷將近3個月，四子還是記憶猶新，Lokman 坦言：「排W.T.F呢個Show真係好辛苦，不過辛苦完之後嘅感動，令我哋都想排多次！」AK 興奮表示：「多謝三位兄弟！我玩得好開心，不如我哋排多一次？」Frankie 難得激情喊話：「玩一次點會夠？我覺得可以玩多次囉！仲要係充滿回憶嘅亞博Hall 10！」

Alton則感性分享：「雖然有時開完會都冇答案，但路行行下，Part 2就嚟啦！」四子異口同聲表示宇宙真係聽到大家的願望！今次演唱會會玩得更大、跳得更狠，說：「唔理你上次有冇入嚟睇，今次都一定要一齊入嚟瘋狂跳一晚！」