韓國必買：【Rosé同款「APT 16F燒酒」粉嫩登場！ 洗腦神曲引爆超商搶購潮！限定包裝＋柑橘香讓人秒想收藏】

韓國必買｜Rosé、 Bruno Mars同款APT燒酒

今年 Rosé 同 Bruno Mars 合作嘅熱門歌〈APT.〉喺全球引爆咗「阿帕特」飲酒遊戲熱潮！韓國便利店 Emart24 最近仲推出咗款叫做「APT 16F 燒酒」嘅新品，名都係因為呢首歌而嚟嘅，16F 其實係因為燒酒濃度係 16%。呢支燒酒用大米釀成，仲加埋柑橘香味，飲落特別清新！「APT 16F 燒酒」喺韓國便利店 Emart24 限定發售，一罐只需 5500 韓元！係韓國既朋友仔可以約埋三五知己，一邊聽住〈APT.〉，一邊玩住「阿帕特」，再來一罐冰凍嘅 16F 燒酒，想像下都超開心！

▲今年，Rosé 同 Bruno Mars 合作嘅歌曲〈APT.〉可以話係大熱話題，唔單止喺音樂榜單上取得佳績，仲意外引發咗全球飲酒遊戲「阿帕特」嘅潮流，成為各大派對同聚會嘅指定玩法！就喺呢個熱潮之下，韓國超市巨頭 Emart24 都識捉住機會，推出咗「APT 16F 燒酒」，引起一片熱議。

▲「APT 16F 燒酒」除咗名靈感來自歌曲，連產品設計都好有心思，以燒酒濃度 16% 作為命名核心，突顯清新易入口嘅風格。呢款燒酒用韓國本地大米釀製，仲加入咗淡淡嘅柑橘香氣，飲落有種前所未有嘅清爽感，完全顛覆咗傳統燒酒嘅刻板印象。

▲「APT 16F 燒酒」喺韓國便利店 Emart24 限定發售，一罐只需 5500 韓元！呢款燒酒啱啱推出就已經成為熱門搶購目標，仲喺韓國社交媒體引起咗一波曬酒熱潮，如果有興趣嘅朋友，就快啲去 Emart24 入手啦，唔好錯過！

文字：香港人遊香港