烏柏美簡奴：我哋想贏每場比賽，呢個就係我哋嘅心態。

拜仁作客1:1打和多蒙特德甲比賽，拜仁中堅烏柏美簡奴接受訪問就話「我哋想贏每場比賽，呢個就係我哋嘅心態。我覺得球隊擁有團隊精神，當你睇到攻擊球員積極返嚟防守嗰陣，你就會覺得好開心。我哋下半場踢得非常好，而係呢度拎到1分亦都唔容易，特別係多蒙特擁有古拉斯呢位出色前鋒😶。」

烏柏美簡奴又話「我鍾意同金玟哉一齊比賽，我哋踢波風格有啲似，金玟哉踢波幾冷靜，大家唔應該唔記得佢曾經係意甲最好後衞。雖然我哋上季踢唔到一個完美球季，但去到今季我哋更加了解對方，我希望長時間同佢並肩作戰🙂。」

呢位法國🇫🇷中堅最後就話「金玟哉平時會講英文同韓文，而我就會講法文同德文，所以我哋講嘢嗰陣會溝埋幾種語言去講。我覺得最緊要就係我哋係球場上幾有默契，我亦都係金玟哉身上學到好多野，佢係一位經驗豐富球員，為球隊帶嚟幾多唔同嘅嘢🤓。」