香港美食：【童年回憶！爆旋陀螺主題Cafe登港！展岀80個珍藏陀螺＋漫畫手繪稿＋陀螺專業對戰區】

更新於 03月18日16:58 • 發布於 03月18日08:58 • 香港人遊香港

香港美食｜爆旋陀螺主題Cafe登陸香港！

香港美食｜大家仲記唔記得以前睇住卡通片跟住主角大叫「3-2-1 GO SHOOT!」嘅熱血時刻呢？今次終於有機會重拾返以前嘅熱情啦！新派茶飲品牌即將會喺香港兩個地方開設《爆旋陀螺》主題期間限定 Cafe。

今次Cafe以系列中《爆旋陀螺》、《爆旋陀螺鋼鐵戰魂》、《爆旋陀螺擊爆戰魂》同《爆旋陀螺X》做主題，由裝潢設計到餐飲，完美重現所有動畫入面嘅經典角色同元素。Cafe 一共推出9款特色餐飲，仲會送角色為靈感設計嘅贈品。Cafe打造沉浸式體驗，還原動畫中熱血競技風格。場內有巨型壁貼同布置，更會展出10幅漫畫珍藏手繪同共80多枚珍藏陀螺。Cafe仲設有專業對戰區，你可以帶埋自己嘅陀螺嚟同朋友一較高下，完成一場對戰都會有徽章送。最大亮點係今次Cafe會舉辦《爆旋陀螺競技巡迴賽》，等你親身體驗動畫入面嘅熱血對決！

▲ 場地經過精心設計，由入口到每個角落都充滿住《爆旋陀螺》嘅元素，令你一踏入去就如置身喺動畫入面！

▲ Cafe 餐飲系列十分有誠意，橫跨4代《爆旋陀螺》作品， 9款獨家餐飲都將動畫入面嘅經典角色同場景重現。

▲ 烈風天馬漢堡（HK$58)，《爆旋陀螺鋼鐵戰魂》中角色「鋼銀河」同陀螺「Storm Pegasis」為靈感嘅創意漢堡。

▲ 鋼鐵戰魂陀螺蛋糕（HK$88)，以《爆旋陀螺鋼鐵戰魂》為主題設計嘅蛋糕，設計模彷比賽舞台。

▲ 勝利武神炸物（HK$58)，以《爆旋陀螺擊爆戰魂》中角色「蒼井霸斗」為靈感嘅創意料理，包括雞塊、魚豆腐同花枝丸。

▲ 粉絲可以近距離欣賞漫畫珍藏手繪同珍藏陀螺，並且同自己最喜愛嘅珍品盡情打卡合照。

▲ 喺非比賽日期間，Cafe提供爆旋陀螺區域比任何消費顧客使用。消費任何餐飲並完成一輪對戰後，可以獲得一枚徽章。