陳自瑤父親節開工囡囡由家人倍　會否補祝：唔知佢幾時喺度

林保怡、張振朗、陳自瑤、傅嘉莉，戴祖儀等今天出席無綫劇《刑偵12》結局篇宣傳，保怡和振朗即場大玩「人格解離Show演技」遊戲，其中振朗被張松枝及黎澤恩扮刀子插屁股，表情交足戲，但又叫好爽，希望再被拮多次，場面搞笑。

保怡和振朗齊接受訪問，保怡表示本周劇情更精彩：「第4及5個炸彈要爆啦，同之前所拍嘅劇集唔同，愈尾就愈多高潮畀觀眾欣賞。」振朗大表認同，因劇集情未到最尾亦未解開謎團，身為演員也喜歡此特別之處。

保怡又話不會因劇終而冇機會再做宣傳見粉絲，自言和粉絲一直保持聯絡，其粉絲由18歲，由少女變阿媽都追隨他：「連佢哋啲bb個名，其中一個字都同我一樣，同埋我有個信箱畀佢哋寫信畀我，我得閒都親筆回信，但唔會打字，因為太冇誠意。（有冇寫劇評畀你？）通常都係好嘅，但我鍾意睇負評，睇佢哋講得啱唔啱。」又問振朗可有給粉絲親筆回信，振朗表示未有，笑言字迹肉酸，怕破滅粉絲的幻想。

至於可會再拍無綫劇，保怡謙說要視乎振朗檔期：「我睇咗第20集，我好鍾意你嗰場戲，有咩就帶挈吓。」即時嚇到振朗大叫:「梗係一齊做啦，咁要等佳導（總監製鍾澍佳），要搵喺鏡頭前夾到嘅演員係困難，因為個個都高過我哋，無論智商及各方面。」

問保怡可想憑角色奪視帝?他豁達謂:「冇所謂，佢（振朗）攞我咪同佢一齊攞，我攞佢咪同我一齊攞，我開心係搵到個多變化嘅劇本，今次係天時，地利，人和。」至於剛奪視帝的振朗就話剛攞完獎已很開心，不過如有票定投給保怡。保怡就話視帝獎可攞完再攞，又指自己投振朗一票非私心而是他演得好又演得用心。

陳自瑤開心身邊人也有追劇，表示今次演的溫柔角色跟以前很不同，望觀眾可看見不同的自己，又謂其角色美中不足是沒有人格解敵症，否則覺得角色會更好玩及挑戰性，望如有續集時有機會挑戰更有難度的角色。

談及父親節，她表示因要做宣傳及開會，所以交由家人陪囡囡，而老公王浩信不在港，所以未能慶祝，至於會否補祝，她說:「應該會啩，因為佢成日唔喺香港 ，亦都唔知佢幾時喺度，囡囡唔會因為咁而失望，（囡囡可有準備小禮物賀父親或母親節?）好啦，答咗唔再答。」不過她有考慮在暑假時帶囡囡去旅行，至於其粉絲翻出其20前的舊相，讚她顏值不變，她就覺得當年18歲面圓圓，但口才好，被讚天生食娛樂圈飯，同時又覺得13歲囡囡跟她當年好似樣。

東網網站 : https://on.cc/東網Facebook專頁 : https://www.facebook.com/onccnews/