根據德國踢球者消息　利華古遜同緊法比加斯以及坦哈格進行深入談判　兩位入面將會有一位成為利華古遜新教練

根據德國踢球者消息，利華古遜同緊法比加斯以及坦哈格進行深入談判，佢哋兩位都係利華新教練大熱人選。法比加斯同意甲球隊科木合約去到2028年夏天，法比加斯係談判之中為利華古遜留下唔錯印象，而坦哈格同樣打動利華古遜高層，雖然之前有傳聞就話坦哈格唔係大熱人選，但坦哈格仍然係有力競爭者😉

消息指坦哈格對於執教利華古遜充滿熱情，佢想去德甲工作，特別經歷過曼聯艱難時期之後，坦哈格希望係架構清晰嘅球隊成為教練，更重要嘅係坦哈格願意係人工方面作出讓步。坦哈格之前係曼聯年薪大約係1200萬歐羅，隨住願意作出讓步，呢樣可以縮窄坦哈格同法比加斯嘅人工要求差距😶

除此之外，如果利華古遜真係想搵法比加斯成為球隊新教練，利華古遜需要俾過千萬歐羅轉會費。就算利華古遜將轉會費減到1000萬歐羅以下，同法比加斯簽2-3年合約成本其實都同坦哈格差唔多🤔

事實上，利華古遜除咗要同法比加斯達成協議之外，仲需要同意甲球隊科木達成一致，而法比加斯仲有其他有吸引力選擇。相反，只要利華古遜同坦哈格本人達成一致，呢位荷蘭🇳🇱教練就可以成為球隊新教練🙂

▼Follow足球仁
Instagram: https://www.instagram.com/football_yern/