羅馬作客2:0擊敗拖連奴曉姆斯完成職業生涯最後一場比賽

羅馬作客2:0擊敗拖連奴意甲比賽，羅馬中堅曉姆斯係比賽最後幾分鐘被教練雲尼亞里換入，從而接受球隊同一班隊友致敬。而係完咗比賽之後，曉姆斯就被一班隊友拋高，為曉姆斯18年職業生涯畫上句號🥺

曉姆斯被記者問到最後一場比賽有咩感受，呢位德國🇩🇪球員就話「我覺得呢個係美好結局，我依家仲未知嚟緊會發生咩事，但我好開心可以落場高興，並且為羅馬拎下季可以參加歐洲賽作出貢獻。雖然我哋最後無辦法拎到歐聯參賽資格，但呢樣已經係我哋期望嘅最好結局😉。」

雖然曉姆斯係拜仁青年軍出道，但佢職業生涯大部分時間都係效力多蒙特。曉姆斯為多蒙特508次上陣，當中有38個入波同交出25次助攻，同多蒙特贏過2次德甲冠軍、2次德國盃冠軍同3次德國超級盃冠軍。至於效力拜仁期間就贏過4次德甲冠軍，1次德國盃冠軍同埋3次德國超級盃冠軍🙂