消息指，17歲翼鋒卡爾早幾個月先至同拜仁簽新合約，但係拜仁已經考慮為卡爾再次提供新合約

🚨根據轉會專家Fabrizio Romano消息，雖然17歲翼鋒卡爾早幾個月先至同拜仁簽新合約，但係拜仁已經考慮為卡爾再次提供新合約，而最主要原因係卡爾有出色表現，卡爾無論係歐聯、德甲同埋德國U21國家隊都有入波，拜仁將呢位德國🇩🇪球員視為未來重要成員🙂

💥卡爾之前上演德國U21國家隊地標戰，並且上演梅開二度，值得一提嘅係卡爾第二個入波就係比索夫助攻。卡爾接受賽後訪問就話「今次係我德國U21地標戰，全隊表現都非常出色。我依家狀態幾好，我知道大家留意住我，但我唔會去睇社交傳媒，只會專注嚟緊比賽🙂。」

💬卡爾最近接受德國足協訪問被問到點樣形容自己踢法「我覺得自己速度幾快，爆發力都幾勁，啲對手都知道我鍾意內切，但唔知點解我有時都可以突破佢哋。我唔驚對手，唔理佢哋幾多歲。當然，我尊重所有對手，但我會踢出合理足球，咁樣先至係展示實力嘅最佳方法😉。」

💪🏻呢位年輕球員又話「因為訓練同比賽，我好少真正留係學校，就好似今次國際比賽週期間，我要把握時間返去學校補考，所以我一定要努力學習同埋要補習，咁樣先至可以為考試做好準備。我每個星期都有兩次輔導課，每次一個鐘，每次我都可以同老師交流😶。」

▼Follow足球仁
Instagram: https://www.instagram.com/football_yern/