利華古遜主場3:1擊敗波琴，落後踢少一場的榜首拜仁3分

利華古遜對波琴德甲比賽，利華古遜係開波20分鐘就有中場柏拉斯拉斯奧助攻另一位中場加西亞入波打開記錄。不過6分鐘之後，波琴右閘柏斯歷入波追成平手。去到60分鐘就有前鋒邦尼菲斯入波，幫利華再度領先。之後係87分鐘，中場柏拉斯奧斯再次送上助攻，今次到後備上陣中場艾迪利入波，最後利華古遜3:1擊敗波琴，只係落後榜首拜仁3分😉

利華古遜中堅莊拿芬達亞接受訪問就話「我哋好開心拎到呢3分，並且同拜仁只係差3分，我哋已經係更衣室討論爭德甲冠軍嘅事。我哋仲未放棄，並且相信自己，當然呢樣都要睇埋其他比賽結果😉。」

今場比賽係達亞第300場德甲比賽，達哥就話「我好自豪同埋感激可以享受到呢一刻，而我希望仲可以踢多場😎。」事實上，達亞最多踢多7場德甲，因為呢位德國🇩🇪中堅今個夏天好大機會以自由身離隊，暫時傳出巴塞、熱刺同利物浦都對佢有興趣，但達哥最希望就係加盟巴塞😶

▼Follow足球仁
Instagram: https://www.instagram.com/football_yern/