伊藤洋輝：當經理人話拜仁想簽我我一分鐘就作出決定

拜仁後衛伊藤洋輝最近接受拜仁官方雜誌沙賓拿51訪問，伊藤洋輝講到加盟拜仁決定「當時我踢完日本對緬甸嘅比賽，我嘅經理人打電話俾我話我知拜仁想簽我，我聽到之後覺得好震驚，結果唔洗一分鐘就作出決定😎。」

伊藤洋輝又話「我好鍾意拜仁心態，因為你係拜仁唔單止要贏每場比賽，你仲要係90分鐘之內控制每場比賽，而且拜仁贏波方式都一樣好重要，球隊上上下下都會全力以赴，所以我好開心可以著到呢件球衣🥰。」

呢位日本🇯🇵球員仲講到對住些路迪歐聯比賽上演拜仁地標戰，伊藤就話「呢件事簡直係夢想成真，單單只係聽到歐聯主題曲就已經令人心情興奮，更加唔洗講可以落場踢波，完全超出我嘅預期🤓。」