網民質疑《造星》參賽者簽約後無出路　193以「汰弱留強論」回應

ViuTV王牌選秀節目《全民造星VI》即將開播，節目過往成功捧紅MIRROR、COLLAR等人氣組合，不過近日卻有網民質疑，不少參賽者比賽後即使簽約電視台，最終仍欠缺發展機會，相關討論更引來ViuTV藝人193（郭嘉駿）留言回應。

有網民發文指，ViuTV每次舉辦《全民造星》都會簽下大批參賽者，但大部分人心願是唱歌或拍戲，最終卻被安排主持綜藝或訪談節目，效果不佳之餘，藝人本身亦感到失落，甚至難以賺取收入，最後選擇離開。他又拿TVB作比較，認為無綫在安排藝人方面較善用人才，懂得配合其特質，並舉例指不少無綫藝人積極經營YouTube頻道，逐步建立影響力。

對此，193在帖文下留言回應，認為藝人在簽約前應清楚自己定位，「某程度上簽得入電視台就係預咗有機會要做主持」。他指出主持能力除了天份外，主要靠後天努力學習，「有人努力鑽研做正經主持、有人鍾意做實況真人show、有人永遠覺得自己懷才不遇、亦都有人運氣真係非常之差。」193直言，若表現未如理想，自然機會較少，進而影響收入，「咁工作做得唔好，自然少人搵佢做嘢，咁當然就搵唔到錢，搵唔到錢就當然要搵其他出路去生活。我諗唔止係娛樂圈，呢個世界好多行業都係汰弱留強㗎啦。」

同時，亦有網民指出，韓國選秀節目背後同樣有大量練習生未能出道，認為情況並非ViuTV獨有；亦有網民反指TVB有大批藝員選擇離巢︰「你反串咋🤣tbb不斷重覆《中年好聲音》，電視劇得返8:30時段會播本地劇，主角仲loop住係陳豪、馬明呢啲，新一代完全唔受捧，唔講大批演員離巢，連炎明熹都走就知幾嚴重啦！viu捧人方面係有需要再做好啲，但你話tbb做得好真係笑話嚟。」

有網民笑指193的回應太不像他的風格：「33 account係咪俾人hack咗，咁正經嘅😂」。