吳若希愛貓Kristoff患先天性心臟病：好好珍惜剩下最多1個月命

吳若希（Jinny）向來愛小動物，曾擔任寵物領養宣傳大使，養過狗、貓、龜及倉鼠，其中十多年前養貓以後，一直愛貓如命。但今天（9日）她在社交平台貼出抱住愛貓Kristoff，凝重表示：「有機會是Kristoff和我們的最後一張合照。」

吳若希憶述上個月22日，愛貓才肥肥白白地在她的床上反轉肚腩睡覺，卻想不到幾日後要送入醫院。「醫生檢查之後問我要唔要簽急救同意書，嗰刻我真係呆咗，『咩事呀？點解會突然間咁嚴重？』『佢尋日仲好地地跑來跑去，點解一晚之後變成咁？』」

吳若希續道：「經過兩日住院檢查，心臟科嘅醫生話，Kristoff因為基因問題，有先天性嘅心臟病。而依家嘅情況最多剩下三個星期到一個月嘅命。」

吳若希心情大受影響，說道：「由一開始接受唔到，每晚返嚟見到佢咁都會忍唔住喊，到而家留唔出眼淚，淨係喺個心度隱隱痛。我覺得，我已經接受咗喺未來幾個星期，佢會隨時離開我。」

Jinny記得Kristoff從街市領養回家，當日手戴魚檔大叔所用的白色手套，跟了她五年多。「Honey離世之後，佢就係呢間屋嘅大佬～ 平時最安靜係佢，但次次我個仔喊嘅時候，佢永遠都會陪住佢，喺佢側邊喵～以為名種貓先會有嘅病，估唔到唐貓都會有⋯⋯好可惜，但更加會好好珍惜。」