張敬軒戒食菠蘿包戒上網　自爆躁底要飲涼茶

早前因「菠蘿包風波」掀起網上罵戰的歌手張敬軒，昨晚（31日）為港姐決賽擔任嘉賓後受訪，被問最近有否食菠蘿包，他笑着「唉」了一聲說：「最近唔敢亂食嘢呀！準備騷吖嘛……唔只要戒糖，戒上網呀！戒口添呀仲要！唔好咁搶口呀做人……」

他指媽咪早前覺得他面色麻麻，故煲紅棗水給他喝，笑說：「咁咪躁囉！」連媽咪看完網上風波亦問他係咪躁底：「所以最近飲吓涼茶先！」談到媽咪日前牛一，他特意請廚師上門下廚慶祝，但他沒有大顯身手；又指爸爸每天要篤手指Check血糖，故全家的飲食均以低糖為主。

談到韓國男神朴寶劍在香港見面會上唱其歌曲《My way》，他表示很榮幸，笑指可能對方當作是香港懷舊金曲，但聽到亦覺得好Warm、好感動。而他將於年底為電台舉行音樂會，「劇透」會跳舞，對於門票被炒至3千元，他對票源感好奇，呼籲歌迷小心受騙。

東網網站 : https://on.cc/東網Facebook專頁 : https://www.facebook.com/onccnews/