被問德甲是否缺乏競爭力哈利簡尼：當拜仁贏唔到冠軍就無人會咁講

🚨拜仁前鋒哈利簡尼被問到德甲冠軍係咪缺乏競爭力，簡尼表示「我唔覺得德甲爭冠軍變到無聊，如果真係無聊，其實都係大家讚緊我哋。大家諗返兩年前，當我哋贏唔到冠軍嗰陣，無人會咁樣講，而多蒙特、利華古遜同法蘭克福會對我哋發起挑戰，我希望球隊可以繼續保持狀態🙂。」

💬之後簡尼講到新隊友尼高拉斯積臣「如果大家有留意英超，你就會發現積臣有好多出色地方，佢可以創造大量機會，我相信積臣加盟拜仁就係為咗幫助球隊。我哋已經係訓練一齊合作過，我覺得憑住積臣嘅速度、走位同入波能力，今季可以為球隊帶嚟重要影響🤓。」

💪🏻呢位英格蘭🏴󠁧󠁢󠁥󠁮󠁧󠁿仲話「我覺得積臣嚟到拜仁唔係後備球員，因為佢可以踢到前線所有位置，我相信我哋可以成日都一齊上陣，佢已經為拜仁上陣，我希望佢繼續保持信心，嚟緊對住車路士歐聯比賽有上陣機會，並且努力為舊東家留下深刻印象😎。」